لە سەر ڕاسپاردەی ڕاگری کۆلێژی یاسا لە زانکۆی نێودەوڵەتیی تیشک، وۆڕکشۆپێک لەبارەی لێکۆڵینەوە لە سەکۆی تاوان لەلایەن ئەفسەری مافپەروەر ملازم دلێر ئەحمەد ئاکۆ، بۆ قوتابییان و ستافی ئاکادیمی کۆلێژ ڕێکخرا
لە وۆرکشۆپەکەدا، بەڕێز دلێر ئەحمەد وانەیەکی کاری پڕۆفێشناڵی سەبارەت بە ئەرکەکان لە کاتی لێکۆلینەوەی تاوان و شێوازی کۆکردنەوەی بەڵگەی تاوان بە شێوەیەکی هونەریی و ورد خستە ڕوو و پاشان ئەو میتۆدانەی باس کرد کە لێکۆلەرەوەکان بەکاری دەهێنن بۆ ئەوەی ڕا و بۆچوونیان سەبارەت بە کەیسەکانی تاوان لە دادگاکاندا بە هەند وەربگیرێت
لە چوارچێوەی هەمان وۆرکشۆپدا، کە ژمارەیەک مامۆستا و یاریدەدەری توێژەر و ستافی ئاکادیمی قوتابییانی قۆناغەکانی چوارەم و پێنجەم ئامادەی بوون، پرسیاری گرنگ ئاراستەی ئەفسەری مافپەروەر دلێر ئەحمەد کرا و وڵامەکانیش جیگای ڕەزامەندی و سەرنجی ئامادەبووان بوو
لە کۆتاییشدا بڕوانامەی سوپاس و پێزانین لەلایەن ڕاگری کۆلێژی یاساوە پێشکەش بە ئەفسەری مافپەروەر دلێر ئەحمە کرا