نوور بزاڤێ بکە..

نوور بزاڤێ بکە..

دەرمانێ خودان دەردابی..

هیڤییا بێ ئومێدا بی..

مروڤا بێکەسا بی..

رۆژا گەشا ئاسمانێ بی..

هەیڤا رۆنا شەڤا تاری بی..

چریسکا گەشا هەلکری بی..

نە بەس وەک ناڤ..

بەلکو بکریار..

نوور بی….

نوور بزاڤێ بکە..

وەکی بارانێ بە..

بەری بهێی هەمی یێن ل هیڤییا هاتنا تەبن..

وەکو گول ل بەندا هاتنا تەبن..

دێمێ وان ڤەببیت..

روویێ دەوروبەرێن تە گەشبیت..

دلێ وان ژدل خوشبیت..

هەکو هاتی..

قیژی و هاوارێن دەوروبەرێن تە..

ژ مزگینیا هاتنا تە..

بگەهنە بەرپەرێن ئاسمانی..

و ب هەر خولەکەکا تە ل وێرێ..

ژدل تەمەتوعێ بکەن….

دلێ وان هین بکە..

ئازارێن وان ڤەمالینە..

چریسکا هیڤییێ ددلێ وان دە ب هەلینە..

تێهناتییا دەمارێن وان ئاڤبدە..

ب کویری گوهداریا ئاخفتنێن وانا بکە..

ب گرنژین تەماشایێ وانا بکە..

ب نەرمی سەرەدەریێ دگەل وانا بکە..

ب راستگۆیی بەرسڤا وانا بدە..

ژدل گرنگییێ بدە..

هەکو دچی..

ژدل خەمبارێن چوونا تە بن..

ژدل چاڤەرێی دووبارە هاتنا تە بن..

ژدل تامەزرۆی دووبارە دیتنا تە بن..

هەروەسا..

ژدل گەشبین و بەختوەرێن

وان هەمی بەرۆبوم و داهاتان بن..

ئەوێن تە ل پشت خۆ هێلاین..

بڤی ئاوای..

نوور بڤی ئاوای..

وەکی بارانێ بە….

نوور بزاڤێبکە..

سەرپەرشتی یا بازنا بچیک یا خۆ بکە..

ب خوشەویستی و ڤیانڤە بکە..

هەتاکو بشێی وان هەمی…

گەنجینەیێن د واندا هەی ببینی..

وان هەمی تایبەتمەندیێن بەرزە یێن ددلێ وان دە هەی ڤەبینی..

وان هەمی مرواری و مەرجانێن د کویراتییا ناخێ وان دە هەی..

دەرخینی..

نیشا وان بدەی…. بۆ ڕوهن بکەی…پێشچاڤ بکەی…

وانا.. ب تایبەتمەندیێن وانڤە..

بۆ پێشڤە ببەی..

 بەرەڤ رۆناهیێ ببەی…

بەرەڤ شانازی و سەرکەفتنێ ببەی..

لێ دەما كو د وەستیێن..

ژ چونا بەرەڤ پێش لاواز دبن..

و ل پشت خۆ د زڤرن..

تە وەک هیڤییەکا نوو ببینن..

ئێکسەر ب هەبوونا تە ل وێرێ..

هیڤی دلێ وان دابگریتە ڤە…

هێزا وان ڤەگەریتە ڤە..

دووبارە

دەست ب پێشڤەچوونێ بكەنە ڤە..

نوور..

ب دلێ خۆ.. ب هیڤی..ب حەژێکرن..

بازنا بچیک یا خوە بەرەڤ پێش ببە..

جهێ خۆ د دلێ وان دە ب حەژێکرن پەیدابکە..

بەردەوام بە

بزاڤێ بكە