پرسیاریان لە كۆمەڵێك ڪەسی بەتەمەن پێش كۆچی دوایین ڪرد.. ئەگەر بگەڕێیتەوە سەردەمی گەنجێتی، چ كار یان كردەوەیەكت دووبارە نەدەكردەوە، یاخود لە چ شتێك پەشیمانیت كە ئەنجامت نەداوە؟
لەوەڵامی هەریەڪ لەو بەساڵاچووانەدا تێبینی پێنج خاڵی هاوبەشیان ڪرد:
یەڪەم /
ئاواتەخوازبووم بەشی ئەوەندە ئازایەتیم تیابوایە ڪە بمتوانیایە بۆ خۆم بژیابام نەڪ بەخواست و ویستی ئەوانی تر ژیانم بەڕێكردایە.
زۆربەیان نیگەرانی ئەوەبوون ڪە بۆ ڕازیڪردنی كەسانی تر وەڪ (سەرۆڪی ڪارەڪانیان) تەنانەت جل و بەرگیشیان بە دڵی ئەوان پۆشیوە، نەك بەپێی حەز و ویستی خۆیان.
دووەم/
خۆزگە ڪاتێڪی زیاترم بۆ ئەندامانی خێزانەڪەم و هاوڕێڪانم تەرخان بڪردایە، نەڪ تەمەنم لەنێوان ڕۆتین و ڪارڪردنی بەردەوامدا بەفیڕۆ بچوایە.
سێهەم/
هیواداربووم بەشی ئەوەندە ئازایەتیم تیابوایە ڪە بمتوانیایە هەستەڪانم بەڕوونی و ئاشڪرا دەربڕم
چونكە زۆربەیان لەبەرخاتری بەرامبەرەڪانیان هەستەڪانیان شاردبۆوە، نەڪا لێیان نیگەران بن یان زۆرجار تەنها بۆ قوربانیدان بووە بۆ ڪەسانێ ڪە شایستەی نەبوون.
چوارەم/
هیواخوازبووم پەیوەندیم لەگەڵ هاوڕێ دێرینەڪانم بەردەوام بووایە، چونڪە جیاوازن لەوانی تر و زیاتر لەیەڪتر تێدەگەیشین، لەگەڵ ئەوان دڵخۆشتر ئەبووم، دەگەڕاینەوە بۆ سەردەمی مناڵی، بەڵام مەخابن بەهۆی ڪار و خێزاندارییەوە لەبیرمان ئەڪردن، تاوەكو وای لێهات بەتەواوی لەبیرمان چوونەوە، و لەناكاو گوێبیستی مەرگیان دەبووین.
پێنجەم/
خۆزگە زووتر لەمانای بەختەوەری تێبگەیشتمایە، زۆربەمان درەنگ تێدەگەین ئاسودەیی حاڵەتێڪی دەرونییە، هیچ پەیوندیی بە ماڵ و سامان و پێگە و ناوبانگەوە نە، دەەتوانین بە تێچوویەڪی ڪەم پێی بگەین، بەڵام پشت بە بۆچونە تەقلیدییەڪان بۆ بەدەستهێنانی بەختەوەری دەبەستین .
جوانی بابەتەڪە لەوەدایە بەگەنجی فێری وانەی پیریمان دەكات، بۆ ئەوەی نەگەینە قۆناغی بێ ئومێدی و ئاخی لەدەستدان بكێشین، چونكە هەر شتێك كە لە تەمەن رۆیشت، گەڕانەوەی مەحاڵە.